ദേശീയ ബാലികദിനം2020 💃💃💃💃💃💃💃💃 ബേട്ടി ബച്ചാവോ ബേട്ടി പഠാവോ പ്രതിജ്ഞ . ബേഠിബച്ചാ വോ കാമ്പയിനിന്റെ ഭാഗമായി വലപ്പാട് സാമൂഹിക ആരോഗ്യ കേന്ദ്രത്തിന്റെ ആഭിമുഖ്യത്തിൽ വാരാചരണത്തിന് തുടക്കം കുറിച്ച് പ്രതിജ്ഞയെടുത്തു. സൂപ്രണ്ട് ഡോ.ഫാത്തിമ സുഹറ നേതൃത്വം നൽകി. ഡോ.അബിന, ഡോ.ഡിനി പ്രേംസാഗർ, ഹെൽത്ത് ഇൻസ്പെക്ടർ വി.എസ്.രമേഷ് എന്നിവർ സംസാരിച്ചു. ആശുപത്രി ജീവനക്കാരും ആശുപത്രിയിൽ വന്ന ഗുരുതരാവസ്ഥയിലല്ലാത്ത രോഗികളും രോഗികളുടെ സഹായികളും പ്രതിജ്ഞയിൽ പങ്കെടുത്തു. 4 മാസം നീണ്ടു നിൽക്കുന്ന കാമ്പയിനിന്റെ ഭാഗമായി വലപ്പാട് ഗ്രാമപഞ്ചായത്തിൽ 20 വാർഡുകളിലും പെൺകുട്ടികളുടെ ഉന്നമനത്തിനു വേണ്ടിയുള്ള 80 ക്ലാസുകൾ നടത്തുന്നതാണെന്ന് സുപ്രണ്ട് ഡോ.ഫാത്തിമ സുഹറ അറിയിച്ചു.