പാലിയേറ്റീവ് ദിനാചരണം : വലപ്പാട്: പാലിയേറ്റീവ് ദിനാചരണത്തിന്റെ ഭാഗമായി വലപ്പാട് സാമൂഹികാരോഗ്യ കേന്ദ്രത്തിന്റെ ആഭിമുഖ്യത്തിൽ കിടപ്പു രോഗികൾക്ക് ഭക്ഷ്യവസ്തുക്കളും പുതപ്പും നൽകി. വലപ്പാട് ഗ്രാമപഞ്ചായത്ത് പ്രസിഡണ്ട് ഇ.കെ.തോമസ് മാസ്റ്റർ ഉദ്ഘാടനം ചെയ്തു. ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ.എം.അബ്ദുൽ മജീദ് അദ്ധ്യക്ഷത വഹിച്ചു. വലപ്പാട് സാമൂഹികാരോഗ്യകേന്ദ്രം സുപ്രണ്ട് ഡോ.ഫാത്തിമ സുഹറ, സി.ഡി.എസ് ചെയർപേഴ്സൺ മല്ലിക ദേവൻ, വാർഡ് മെംബർമാരായ തുളസി സന്തോഷ്, ജയഭാരതി ഭാസ്കരൻ, ബിന്ദു രാജു, വത്സൻ, സുമേഷ് പാനാട്ടിൽ എന്നിവർ സംസാരിച്ചു. തന്റെ ഓട്ടോറിക്ഷയിൽ വരുന്ന ആളുകളുടെ റിട്ടേൺ തുക കൂട്ടിവെച്ച് പാലിയേറ്റീ രോഗികൾക്ക് സഹായമെത്തിച്ച ജാബിർ തൃത്തല്ലൂരിനെ ചടങ്ങിൽ ആദരിച്ചു. വലപ്പാട് സാമൂഹികാരോഗ്യ കേന്ദ്രത്തിലെ ആശ പ്രവർത്തകർ പരിപാടിയുടെ നടത്തിപ്പിന് നേതൃത്വം നൽകി. ഹെൽത്ത് ഇൻസ്പെക്ടർ വി.എസ്.രമേഷ് സ്വാഗതവും പാലിയേറ്റീവ് നഴ്സ് സരിത വർഗീസ് നന്ദിയും പറഞ്ഞു.